Pamilyar ka ba sa depresyon? Subukin ang iyong kaalaman!

Ang depresyon ay isang karaniwang mental health condition. Ayon sa World Health Organization, 3.8% ng populasyon o nasa 300 milyong tao sa buong mundo ang nakakaranas nito.

Katulad ng ibang sakit, ang depresyon ay may iba’t ibang klase depende sa kalubhaan o manipestasyon nito.

Kadalasan, ang taong nakakaranas ng depresyon ay maaaring walang motibasyon para gawin ang mga pang araw-araw na aktibidad na nakagawian na nila dati–simple man o mas komplikadong gawain.

Ang mga nakakaranas ng depresyon ay karaniwang hindi na nasisiyahan sa mga paborito niyang gawin noon. Pero posible sa mild o ‘di malubhang depresyon na mag-enjoy pa rin sa ibang gawain na nagpapagaan ng kanyang nararamdaman.

Maaaring magdulot ng pagbabago sa oras ng pagtulog ang depresyon. Ang taong may malala o matagal nang problema sa pagtulog ay mas at risk din magkaroon ng depresyon. Tandaan: Hindi lang kakulangan ng tulog, ngunit pati ang sobrang pagtulog ay maaaring senyales din ng depresyon.

Ang makaramdam ng lungkot o negatibong emosyon ay normal lang paminsan-minsan. Pero kung laging ganito ang nararamdaman kahit wala namang problema o pangyayari, maaaring senyales na ito ng depresyon.

Maaaring maapektuhan ng depresyon ang pagkain o dyeta ng taong dumaranas nito. Pwedeng mawalan ng gana kumain, pero pwede rin maging matakaw. Kaugnay nito, maaari rin bumaba o tumaas ang timbang.

Normal lang sa isang tao na makaramdan ng matinding kalungkutan minsan lalo na kapag may hindi kanais-nains na pangyayari sa buhay. Masasabing depressed ang isang tao kung tumagal nang higit dalawang linggo ang kanyang estado ng pagkalungkot, at nakaaapekto na ito sa negatibong paraan sa pang-araw araw niyang pamumuhay.

Tandaan na walang tiyak na paraan para makaiwas sa depresyon. Pero maaaring bumaba ang tyansya ng pagkakaroon nito kung susunod sa healthy habits tulad ng pagtulog nang sapat na oras, pagkain nang mabuti, at pag-eehersisyo nang regular.

Nagagamot ang depresyon. Depende sa klase o kalubhaan nito, may mga gamot na maaaring inumin nang may patnubay ng doktor. Nirerekomenda rin na sumailalim sa therapy o counseling kasama ang isang mental health professional. Importanteng magpakonsulta sa propesyonal para masiguradong ligtas at tama ang paggamot sa depresyon.