Condom Dos & Don’ts para No Regrets! Alam mo ba kung paano ito gamitin?

Ang matagal na pagkakaipit ng condom sa loob ng wallet ay pwedeng makabutas nito nang hindi mo namamalayan.

Ang condomang natatanging 2-in-1 contraceptive dahil kaya nitong pigilan ang hindi planadong pagbubuntis at pinipigilan din nito ang pagkahawa ng mga STIs o mga sakit na nakukuha sa hindi maingat na pakikipagtalik.

Ang condom, kagaya ng ibang mga medical supplies ay nage-expire. Kung expired ang isang condom, itapon ito at palitan ng bago. Huwag kang magtipid kasi mas mura pa rin ang condom kesa sa magagastos sa pangaganak o sa panggamot sa sexually transmitted infections.

Hindi na maaaring gamitin muli ang condom na ginamit na. Single use lamang ito at kailangan itapon sa basurahan pagkatapos gamitin. Kahit mukhang pwede pa itong gamitin ulit dahil di naman punit o sira, HINDI ito pwedeng i-reuse dahil posibleng may mga butas na maliliit na hindi nakikita ng mga mata, at dahil malamang ay pinamumugaran na ito ng bacteria na makakasama sa katawan.

Kailangan pisilin ang dulo o tip ng condom habang isinusuot sa titi para siguradong walang hangin sa parteng ito na maaaring ikasira ng condom.

Ang mga condoms ay 85-98% effective kung gagamitin ito nang tama. Kadalasang nagkakaproblema lang kung mali ang paggamit ng condoms. Tandaan: magiging epektibo lamang ang condom kung tama ang paggamit nito.

Hindi nakadadagdag sa pagiging epektibo ng condom ang paggamit ng higit sa isa nang sabay. Sapat na ang proteksyon ng isang condom basta’t tama ang paggamit nito.

Ang paggamit ng condom ay hindi nakakawala ng sexual pleasure. Bagama’t posibleng mabawasan nang bahagya lamang ang pakiramdam o sensation, pwede namang gumamit ng water-based lubricant para dadag sarap sa pagtatalik at iwas punit sa condom. Pwede ring gumamit ng manipis na klase ng condom (karaniwang may label na “thin” o “ultra thin”).

Tandaan na panandalian lang ang sarap na madarama sa pagtatalik, ngunit panghabambuhay ang implikasyon ang di planadong pagbubuntis at ang pagkakaroon ng sexually transmitted infection. Kaya mas maigi pa ring protektado.

Dahan-dahang punitin ang pakete ng condom gamit ang mga daliri. Huwag gumamit ng anumang matulis na bagay tulad ng gunting, kutsilyo at huwag ding gagamitan ng ngipin sa pagbukas ng pakete nito. Mahirap na dahil baka mabutas mo ang condom na gagamitin mo o ng partner mo. Hinay hinay lang sa pagbukas!

Huwag na huwag itatago ang condom sa pitaka, sa bulsa, at sa lugar na mainit at naaarawan. Matutusta at matutuyo ang condom na siyang pwedeng ikarupok nito.

Huwag gumamit ng baby oil, massage lotion, hand cream, at petroleum jelly bilang lubricant dahil maari nitong mabutas ang condom. Sa halip, gumamit ng water-based lubricant o lube na mabibili sa mga drugstore o convenience store.

Siguraduhing tanggalin ang condom habang matigas pa ang ari. Pagkatapos makipagtalik ay hawakan nang maigi ang pabilog na dulo ng condom at dahan-dahang ilabas ang titi mula sa vagina o anus para walang makalabas na semilya.

Size matters sa pagbili ng condom. Ang tamang fit ng condom ay dapat batak sa titi pero komportable. Ang masyadong masikip na condom ay pwedeng mapunit habang nagsesex, samantalang ang malaking condom naman ay pwedeng matanggal.

Karamihan ng condom sa Pilipinas ay nasa standard size na akma sa karaniwang laki ng titi, pero maaari ring makabili ng ibang size. Siguraduhin lang na tama ang laki nito para sa’yo.

Hindi epektibo ang hugot o withdrawal method. Posible pa rin makabuntis o mabuntis kahit sa labas ipinutok dahil ang pre-cum ay maaaring may kasamang semilya.

Ang pre-cum ay lumalabas sa titi bago pa man mag-ejaculate o tuluyang labasan. Hindi ito kontrolado ng isang lalaki at madalas ay hindi nararamdaman ang paglabas nito.

Dagdag pa rito, ang hindi paggamit ng condom sa pakikipagtalik ay maaari ring magdulot ng pagkahawa ng sexually transmitted infections gaya ng HIV/AIDS. Kaya mahalaga ang paggamit ng condom sa bawat pakikipagtalik.

Ang condom ang natatanging 2-in-1 contraceptive dahil kaya nitong pigilan ang hindi planadong pagbubuntis at pinipigilan din nito ang pagkahawa ng mga STIs o mga sakit na nakukuha sa hindi maingat na pakikipagtalik.